قبل ان نبدأ بالقصيده تحدثنا عن سبب إختيارك لهذه القصيده ؟
- لأنها تمثلني بشكل دقيق .
هل لك ان تحدثنا عنها خالد بشكل مختصر ؟
- هي تتحدث عن نفسها فالقصيده كتبتها في وقت مناسب للتعبير عنّي .
خالد شكرا وللجمهور القصيده . . .
يا بحر .. ما شدّني موجك .. و لا عفت المراسـي
دام موجـك ينحنـي ل هـل الطموحـات الدّنـيـه
شف .. - على طول السنين الممحله - لازلت راسي
و افتخر فـي موقفـي لـو تشـره احلامـي عليّـه
لا تساومني على نبل الشعـور .. و طيـب ساسـي
دونهم مالـي خيـار .. و لا حيـاه .. و لا هويّـه
بنطلق ..دام المسـا ذا غيـر عـن كـل الأماسـي
كنّـه مقـدّم لـي امْـن كفـوف مشـواري هـديّـه
فيه بان الصدق .. و الهافي خسا .. و ارتاح راسـي
مـن تفاهـات الكـلام .. و مـن خبيثيـن السجيّـه
وش علي .. لو زاد معْ بعض المخاليق احتراسي ؟!
بعض الافعال الكريمـه مـا وراهـا طيـب نيّـه !!
مـا توطّـي طيّبيـن الوقـفـه كـبـار المـآسـي
و لا يعلّـي زخـرف الدنيـا هـل النفـس الرديّـه
و الحياه .. اكبر من همـوم الدراهـم و الكراسـي
و الرجال .. تموت .. مير افعالهـا فالوقـت حيّـه
علّني ابقى - و انا طيّب - علـى ذيـك المراسـي
و لا بحر .. موجه يساومني علـى عـزّ و هويّـه
خالد سعد الدوسري ...
