- ماذا يعني لك هذا النص ؟
ترجمة حقيقية لرسالة أحببت توجيهها لشخصٍ ما.
- كيف تعرفين الإحساس من خلال القصيدة ؟
هو الدافع الذي ربطني بكل الكلمات التي جاءت على هيئة معاني في هذا النص.
- كلمة لجمهورك في أنهآر ؟
كم اشتاق الهذيان في مساحات العقول التي تشتاق نصوصي، راجية بأن تلتقينا أنهار دوماً بكل ما يسطره المعنى ...
على أمري وأمر هالقلب الصغير آخيّب الآمال
أرد أكبر أماني من يبي يهواني ....... بدوني
نعم أرضى يحبوني وأحب أنحب بالجوال
وِبطَعم الحكي وأرضى هم يشيلون ويحطوني
يحبوني وأنا في داخلي حبٍ له المنزال
إلا من سلهم بنظره أغيب وما يحضروني
رفيعٍ يعتلي فوق القلوب بجيته لاقال
أمنزل جيته عندي مكان الشوف فعيوني
أنا أفدى جيته ... والنظرة اللي تفرك الآمال
وكل أهلي وكل أهله .. وحتى اللي يعيبوني
يبون السر في برودي وعرقي به يصب دلال
أنا كيفي من أطيابه .... وكيفي يعشق بهوني
أحبه وأحتسيه بكل صبحٍ يحوي الفنجال
ولا ما شب في ليلي كلامه .. طار مجنوني
أنا من كثر ما أحبه نسيت إن الفراق جبال
من اللي قال هالفرقى جبالٍ؟ ما يعرفوني
أنا سفوح الغلا عندي تعادل ثورتين رمال
وكل بحور هالعالم تقاصر من يشوفوني
يعرفون القليل وأكثره أجمل من الأقوال
لا وجهٍ جديد يهمني .. ما ابغى يحبوني
أحبه موووت ثم يكفي أحسّه داخلي يختال
يعذبني يدللني .......... أحبه لو يعذلوني
يجيني ما يجي مدري أشوفه حاضرٍ في البال
ولو طوقني الإعجاب حبلٍ .. ما يجيبوني !!
شعر : الشيخة خلدية بنت محمد آل خليفة
