بكل .. جرأة .. تطرح شعرها كما تعودناها .. الشاعرة غالية . وكما نلقبها شاعرة أنهآر .. ترفض الغياب .. في نص
لا يشبه إلا قلب غالية فقط .. هنا لكم :
وتغيب ‚‚ وتتركني على جمر انتظاري هايمه ..
وتروح ما تدري عن الخفاق يومه ون لك ...
وان ذاب قلبي من لهيب الشوق محد ٍ لايمه ..
لأنه يموت بذوق لأطراف اللقا ويحن لك ..
يا كبرها في قلب غاليتك وفي قسايمه ..
يوم انها خلت قوانين الغرام إتسن له ...
حبيت اشوفك وانت تملي ليلي ونسايمه ..
حبيت ضحكاتك ونظراتي وهن يبكن لك..
حبيت كل اللي تحب وطيور قلبي حايمه..
فوق ألف صحرا من صحاريك الجفاف تعن لك ..
يا سيد أوقات السهر عين السهر لك نايمه ..
وعيون شاعرتك مطر واخدودها تجتن لك ..
سلّمت لك أمر عروقي اللي من فراقك صايمه ..
يا علها ما تفطر إلا تنفطر وتكن لك ..
كل العذاب اللي رسمته والمشاعر دايمه ..
ما دمت ترحل في سكات وقلب غلوه حن ّ لك
شعر : غالية - الكويت
