المميزة دائما أنفال القلاف في قصيدة تحمل الكثير من الشعر والجمال ..
تلون فيها الكثير من الأشياء في انفسنا .. ترسم لنا ملامح الحياة بلون آخر ..
إحساسنـــا كذبــه والأكذب موعــدك
يومك تجـي خالــي ولا نبضة بإيديك
ماغيـرها ورده شكت لي مقصـدك
بإنك تبي لارحت أذكـرها وأجيـــك
إنـزل فـ ميدان الأكاذيــــــب وحـــدك
لاني صحيــــب ٍ لـك ولاحد ٍمن ذويك
إرحـل أخاف إن المسافـــه تحســدك
إرحـل/ كثيـر أشياء بعدي تحتـــريـــك
شوقك وضربات بضميرك وسهــدك
والحيـره بصدرك و غيم بمقلتيـــك
إنـساان والطغيـاان مربـــوط بـيـــدك
متــــى تهــــــده يـرحم الله والــديــك
تنســــــى /ولاكـني بدايـــة مولـــدك
وإنـك قبل شمـسي ظلامـك معتلـيــك
أنا عجــــزت أروّض حروف أبجـدك
لاهي رقيقـه ولا بهـا كلمـة ( أبيـــك)
أمسـك تحفـّى بي وحاضرك وغـدك
ميـر إنت لاهـي في مسايــر معجبيــك
اسمح بعــد اذن المحبــه و جـســـدك
بطعـن/عسى الطعنـه تحرك شي فيــك
الوردة الحمرا قبـل يــــوم أفـقــــدك
عاشت وسط أوراق بيضـا وتهجيــك
فإن جيتـنــي محروم إبشــر بســـعدك
فيني سطـور عتـاب ملهــوفه عليـــك
شعر : أنفال القلاف
