شاعر ٌ لا يأتي إلا بالجزل من الشعر , يكتب القصيدة بروح الشعر , يترجم الإحساس بشيء من الجمال ..
جمعان الوقيان في نص غارق بالجمالية والإبداع ... لكم
على تمتمات الصبر والحمد والتسبيح ..
يموت الغرام اللي بقى وانت عارفني ..
أقول الشعور الداخلي وأكره التلميح ..
ولا أعبر اللي في حضوري يصرفني ..
تعبت وشقيت امن الهوى وانت فيه شحيح ..
ولا أشوفه الا سيل للهم يجرفني ..
فلا هيب حاله كل ما قمت أرد آطيح ..
ولا هيب حاله معك نفسي معيفني ..
وصلت لحدود الضيقه اللي تبي توضيح ..
أغرف الهموم أحيان وأحيان تغرفني ..
نويت الفراق ولا بقى داخلك تصريح ..
سوى انك تبسمت بكبر وانت طايفني ..
خذ الكلمه اللي ما يجي عقبها تصحيح ..
وانا طاري الفرقا حشى ما يخوفني ..
اذا مرني طاريك مع هبهبات الريح ..
تعوذت من شيطانك اللي يوقفني ..
علي الحرام اني لابيع الهوى وآزيح ..
واذا منته مصدق كلامي أجل شفني ..
هلا بالفراق ويا هلا فيك يالتجريح ..
بودعك والعشره معك ما تشرفني ..
شعر : جمعان الوقيان
