ضاق بعصافير روحي ثوبها البالي
واحتاجت لغصن ترمي به تعَبْها وتنام
عندما يهتز جذع الشعر .. يتساقط الكثير من الجمال وتنتشر الروعة ..
الشاعر القدير فهد دوحان .. ونص لا نستطيع تقديمه بسهولة للقارئ ..
لأن الشعر الحقيقي لا يقدم .. بل يأتي ليسكن في مكان الصحيح بين الحنايا ..
مريت في بالي المُـتـْعَب واذا بالي
تمر فيه انت .. ماتعبر مرور الكرام
ضاق بعصافير روحي ثوبها البالي
واحتاجت لغصن ترمي به تعَبْها وتنام
أجْمَع لها أعشاش عذري نفس موالي :
بكره تجيها شجر ، تجي مع اول غمام !
يا تارك الارض لي رحبة وأنا خالي
الا صخب هذي الوحدة ملاني زحام
تطيح نجمة ونجمة تطفي قبالي
ماكان بيدين روحي ما يرد الحطام
الغالي اللي ذبح بيدينه الغالي
كان اكثره نور واكثر ماترك لي ظلام !
يا ليت لو كان ما يدري عن أحوالي
الا غدت حاجتي انه يعيش بسلام
ارجوك لا ينشغل بالك على حالي
ما كنت محتاج لاكثر من مجرد كلام !!
شعر : فهد دوحان
