سمو الشيخ ناصر بن حمد آل خليفة .. أحد شعراء مملكة البحرين الذين برزوا في الآونة الأخيرة .. ووضع لنفسه بصمة واضحة في الساحة الشعبية الخليجية من خلال القصائد التي انتشرت بشكل كبير بين الجمهور الخليجي سواء من خلال الأغنية أو من خلال الأمسيات الشعرية التي أحياها سموه ..
شاعر يكتب للشعر .. ولا يفكر إلا في أن يكون للشعر مكانة مرموقة بين آداب العالم .. شاعر يبحث عن الشعر فقط .. ولا يبحث عن الشهرة السريعة ..
جاءت قصائدة للحفظ ولم تأتي للحضور فقط .. وجاء شعره حاملا ً القوة في التكوين .. والجزالة في المعاني التي لا نستغربها على شاعر مثل سمو الشيخ ناصر بن حمد آل خليفة الذي نشأ على هذه العلوم والآداب في كنف والده جلالة الملك حمد بن عيسى آل خليفة ملك مملكة البحرين ..
في هذا الفضاء .. نسعى لاختيار مجموعة من إبداعاته وروائعه .. لتكون لؤلؤة نزين بها مجلة أنهآر الأدبية .. ليتشرف القراء في الحصول على قطعة من الإبداع :
ومن فضاءاته :
كلام من قلب الشيخ ناصر بن حمد إلى القلب الذي احتوى البحرين بكل ما فيها إلى قلب والده صاحب الجلالة الملك حمد بن عيسى آل خليفة ..
الشور شورك والهداية على الله ...
والرأي منكم .. نشتريه بملايين ...
لأنك حكيم وكل درب ٍ تدلّه ....
ولأنك لنا عين ومكانتك بالعين ...
يا سيدي .. والليل فيه الأهلّه ..
نقرا بها بعض العبر والعناوين ...
درب ٍ مشينا فيه محد ٍ وصل له ..
غير الرجال العاقلين الحكيمين..
يا سيدي رايك بقلبي محلّه ...
نمشي عليه ونفتخر به من سنين ...
ولا يقف الشعر في جلالة الملك حمد بن عيسى آل خليفة عند حد .. هكذا يراه شاعرنا وهكذا يعتبر الشعر أصغر بكثير من احتواه هذا الرمز الكبير الذي يملأ قلبه وروحه وكل قصائده حيث يقول في قصيدة خاصة للملك :
نسوق إلك السلام ونخلطه بالمسك والريحان
ونهديك الولا والسمع والطاعات ماجوبه
ملك غير الملوك وكن في وجهه الرحمن
علامات الرضا والنور والاعجاز مكتوبه
ملك غير الملوك وكن في كفه من الاحسان
بحور من الكرم والا بحور الطيب مصبوبه
هذاك اللي قيل منهو؟ قلت ابو سلمان
حمد نعم الملوك اللي مع التاريخ محسوبة
ملكنا نفتخر باسمه ونفخر به مع العربان
هو الرمز الكبير له الامجاد منسوبة
وللشعر حضور في مناسبات الشعب .. يصورها سمو الشيخ ناصر بن حمد في أبيات يحفظها جمهوره ويستقبلها الجميع في قلوبهم .. يقول لكل من يحب :
كل يعايد حبيبه بأول أعياده
وانا باعايد بيوم العيد غاليني
اهل المنامه عساهم دوم كالعاده
نور على نور حكام وسلاطيني
والعيد في شوف أبو سلمان ميلاده
القايد الي تفاخر به دواويني
واقول عيدك مبارك ياأكبر امجاده
والله يطول بعمرك وانت في عيني
وعندما يدعو شباب الوطن .. لحب الوطن .. الدفاع عنه .. كونه جزء من الوطن .. ولا يقبل إلا بفداء الوطن بأغلى ما يملك ويدعو الجميع بنصيحة أخ محب لجميع الشباب على أرض مملكة البحرين في قصيدة تعتبر من روائع شعر سمو الشيخ ناصر :
والحمـدلله كـل مانـادت الــدار
قلنا الوطن غالـي وحنـا جنـوده
نحمي حماه وندفع اطماع الاشـرار
بالـدم والارواح حنـا صـمـوده
عند الوطن والعز يا رخص الاعمار
حنـا شبابـه دوم حنـا وقــوده
كل يشّمر عـن ذراعـه ويختـار
درب يزيـد الـدار عـز ويـزوده
شبابنا يشبه مـن الـزرع الاثمـار
اجدادنـا تـزرع وتقطـف وروده
ولا خير في جيل على الدار ما غار
ولا خير في جيـل بقلبـه بـروده
وللحزن من قلبه نصيب .. في رثاء أخيه الشيخ فيصل بن حمد ... قال بكل صدق :
جيتني بالحلم ليت الحلم يا فيصل حقيقة
يوم شفتك في منامي قلت يا حي الزياره
والعيون اللي تحبك في مدامعها غريقه
لا تظن إني عطيت الدمع فغيابك وقاره
والله إني ذارفه وأبكيك يا قايد فريقه
والبكا في واحدن مثلك حشا ماهو خساره
تشجيعه لأخوته وأصدقاءه دائما ً حاضرا ً في شعره .. وهنا نقرأ أحد الأهداف السامية للشعر عندما يشجع شقيقه سمو الشيخ خالد بن حمد في قصيدة غارقة في الإبداع الأدبي الذي يدل على إبداعات سمو الشيخ ناصر بن حمد :
الله يجيب الخير لأهل الخير والدنيا بخير ..
ما دام فيها مثل خالد تبشر بعز وعمار ..
وما دام فعلك يا سمو الشيخ خالد فعل غير
يحق لي قول القصيد بكل عز" وافتخار.
ويحق لي نظمه ولو قالوا لي انه ما يصير.
أقول والله لأنظمه لعيون خالد باختصار.
مدام جاب المركز السامي وله فعل ٍ مثير.
عز الله ان المدح جاله من يمين ومن يسار.
ومن قصائده المشهورة جدا .. والتي تداولها الكثير من عشاقه وجمهوره .. والتي جاءت بصوت فنان جميل هو سلمان حميد .. يضع سمو الشيخ ناصر بن حمد بصمته في عالم الشعر من خلال الدخول في قصيدة لا تشبه إلا نفسها وقلب ناصر بن حمد :
ياللي على البال تطـري وانـت ماتـدري
وش ذنـبـه الـلـي يحـبـك وانــت خلـيـتـه
وش ذنـب قلـبٍ رسـم لـك حبـه العـذري
وش ذنــب دمــعٍ عـلـى طـاريـك هليـتـه
لو كـان عمـري بيدينـي فدوتـك عمـري
لـكـن عـمــري بـيـديـن الـلــي ترجـيـتـه
انــه يــرد الـزمـان الـلـي عـلـى خـبـري
واعـيــش لـيـلـك وحـلــمٍ كــــم تمـنـيـتـه
يوم ان قلبك بصدري وانت في صدري
ضيفٍ سكن بالحشـا واثـر الحشـا بيتـه
ولو فتحنا قلب الشيخ ناصر بن حمد لن نجد إلا معاني الحب .. الغرام .. العشق .. والغزل الجميل الذي يبحث عنه جميع محبي الشعر .. في أبيات تغرق في بحور البياض :
لا من ذكرتك يفزّ الشعـر والقلـب هـاض
وآجر فيك القصايـد وأحكـم أوزانهـا ...
لعيون من خلّـت الدنيـا بيـاض إفبيـاض
بنت ٍ تقول الحسن والزين .. عنوانهـا ...
ما هي من أهل الكويت ولا من أهل الرياض
السر مكتوم .. في قلبي .. على شانهـا ...
قلب ٍ كتم حبّها ليـن الهـوى منـه فـاض
وبيـن الحنايـا جداولهـا ووديانـهـا ...
ويستمر الغزل .. والنقاء .. في شعر سمو الشيخ ناصر بن حمد .. ليطرب جميع عشاقه .. في قصيدة تغنا بها الفن .. وسكنت قلوب جمهوره .. ورددها الكثير في الوطن العربي .. لعفويتها وصدقها وقدرتها في الوصول إلى قلوب من يفهم الشعر :
القلب كنه يتيـم ضاعـت حقوقـه
والروح تذكر زمان أول وميثاقـي
أيام كان الحكي يـا حلـو منطوقـة
ما غير كلمة (أحبك) وأنت وأشواقي
أيام كان الغلا تبـرق لـي بروقـه
والبوم يبرق لي من الهجر براقـي
أيام كان الهوى عاشـق ومعشوقـه
وأقول يا غايتي يـا كـل عشاقـي
ولا يرضى إلا أن يستمر في غزله .. وفي حبه .. وفي روعته وبهاءه ... أبيات مرسومه بحروف من حب .. يقول فيها :
مرحبا وان جيت عندي مرحبا بك....
يا الغرام اللي خذاني من زماني ...
كن روحي ماتعرف الا ياهلا بك ....
يا هلا بك يا مغيرلي كياني ...
ماعرفت الحب في لحظه غيابك ...
لين شفتك وابتدى ليل الأماني ...
قمي احسدالليل لامنه سرى بك ...
واحضن طيوفك واغني لك اغاني ...
والقصايد لو تبيها عند بابك ...
وبكل عفوية الشعر .. يرسم الإحساس بواسطة الكلمات لينثر لنا حروفه للحفظ فقط :
عرفنا الحب وأسراره .. وكتبنا أجمل أشعاره ..
وغنينا على أوتاره ... وذبنا بالغرام ألحان ...
نسينا كل مواجعنا ... وبقينا اثنين ما معنا ..
سوى الأشواق تجمعنا .. بلا هجر وبلا حرمان ...
ألا يا حبي السامي .. لقيتك بأول أيامي..
تعال وجدد أحلامي ... ترى قلب الهوى سهران ..
وفي هذا الفضاء .. لا نقول إلا .. شكرا لسمو الشيخ ناصر بن حمد على كل هذا الجمال .. والإبداع ..
وإلى فضاء ٍ آخر ..
أسرة التحرير
