السهر درب … / الشاعر : محمد العنزي – الكويت

يبدأ الشعر :

يا كثر من توارى ما فقدناه … 
وواحد اللي غيابه شكل ثاني !!

الشاعر الجميل ( محمد العنزي ) ينثر النور والحضور في مجلة أنهآر بهذا النص الفاخر 
بكل جمالية وهدوء . أبيات تحمل الإبداع من شاعر غارق في بحور الشعر … نقرأ محمد العنزي ولكم الحديث : 

السهر درب وجفوني تمشّاه
والكرى ملح وجروحي اماني

موحش الليل لا صارت زواياه
فارغة كود من شوقٍ ملاني

اطفي الشمع واشوف فبقاياه
موت الاحلام وآخر عنفواني

ول يا قلب كم همٍ تولّاه
وول ياروح يا ثقل الثواني

ياكثر من توارى مافقدناه
وواحد اللي غيابه شكل ثاني

كل ما جيت اعيش اللامبالاة
تمرج الروح والخافق عصاني

طيفٍ بقد ما كنت اتحاشاه
مونسه في ضلوعي لو نساني

فاقد الخرس والجمر بشفاياه
وابتسامات وجهٍ مرحباني

كل بيتٍ كتبته كان لرضاه
ويش ابي بالقصيد ان ما قراني؟

عاري الشعر لو ما مر بشفاه
صوته اللي يلبسّه المعاني

كل ما جيت اغنّي وآتخطّاه
ما تعدى حروف اسمه لساني

وطال ليل التساؤل والمحاتاة
منهو اللي قدر ياخذ مكاني؟

الشاعر : محمد العنزي – الكويت