رغم الشّعور اللي في صدري دفنته
عندي يقين إنّ العوض يحتريني
يا كمّ غالي في حياتي فقدته
يا كمّ حلمٍ راح قدام عيني
ليل العنا يا كمْ سهرني وسهرته
والفجر ناديته ولا حسّ فيني
الواقع أصدق من خيالٍ رسمته
عزّمت الملم ما بقى من سنيني
مع السّلامة يا غريبٍ عشقته
لوّح لك الخافق وعجزت يديني
خلّي القصيد اللي بدمّي كتبته
ذكرى على ما دار بينك وبيني
هذاك حبّك في رفوفي ركنته
أرجوك ما ترجع تنبّش حنيني
قلبي تخطّى كلّ طعنة طعنته
أمّنتك الله لا تحاول تجيني
تذكر معاناتي ودمعٍ ذرفته؟
سلّمتني للحزن وتقول ويني!!
رغم الظّلام اللي غشاني وعشته
عندي يقين إنّ العوض يحتريني
شعر : قصي مدهش
.
.
