سيد حنيني… / الشاعرة وارفة

وارفة… الشعر والابداع

شاعرتنا الكبيرة تأتي كل موسم شعر لنحصد منها الجمال والألق … هنا نص مميز وارف شعريا ..

لنقرأها :

سيد حنيني ، و المراسيل ، و الود

كم للمشاعر ، عند بابك تودّد

ادري وش بقلبك ، ولو ناظري لد

و اشوف بعيونك هواي ، و تصدد

كم لي وانا انطر من سكوت الهوى ، رَدّ

و انت الكلام اللي يجي ، و يتردد

تقبل علي ، ترخي خطاويك و تشدّ

و صبري عثت فيه الظروف و تبدد

ما كنت باخذنا على محمل الجد

بس المشاعر غصب عني ، تجدد

حيل اعرفك ، من قبل ابيح لك السد

و كان الخطا منك بعيني مسدّد !

لا جزر لسنين التلاقي ، و لا مد

كن – الغياب – ايام عمره تمدد

يا دمع بمفرق هدب محجري هد

سيلك على لاعج هواي ايتهدد

من صوت ابو نورة ، الى ( باهي الخد)

للـ ( أغنيات ) اللي علينا تردد

للشعر ، للضحكات ، للقرب للصد

لين الشعور اللي اخيراً تحدّد ..

.

.

شعر : وارفة

.

.