غصن الجفا … / الشاعر العذب : فيصل العدواني …

العذوبة لها أكثر من مصدر , وشاعرنا الجميل فيصل العدواني أحد هذه المصادر ..
يكتب الشعر يراعي نقاء الكلمة وعذوبة المعنى . يحب الشعر كمرآة تكشف الكثير من داخله ..

نص لقلوبكم فقط :

على غصن الجفا باقي من اوراق الحنين اوراق‬
‫تباعد حلم نسيانك وتاخذني بطواريها‬

‫يموت العاشق المغرم على ذكرى دفا وعناق ‬
‫تطيح الدنيا من عينه من اولها لتاليها‬

‫يطمنه الخبر وان حل للطاري عليك وفاق‬
‫من شعور الهوى نسمه ويامكثر معانيها‬

‫تسافر بالحنايا العوج وتسكن مهجة الخفاق‬
‫حشى ماهي غريبه عنه مادامه كان مغليها‬

‫الا يازحمتك فيني وفيني للهموم افاق‬
‫مراكب من سهر تبحر وبهدابك موانيها‬

‫احس ان الزمن واقف وصوبك كل شيْ ينساق‬
‫عقارب ساعتي .. فكري .. وعينٍ كنت ماليها‬

‫حبيبي والزمن يمضي ولادري ليمتى بشتاق‬
‫كذبت وقلت لك قادر ولاني قادر انهيها‬

شعر : فيصل العدواني – شاعر كويتي