تعود لعشقها القديم ، ترسم حروفها بطريقتها المعهودة … تعامل الكلمات بعفوية، تخلق شعرا يلامس الروح …
فاطمة عبدالله بعد انقطاع ، وهدية لقلوبكم هذا الجمال الجديد :
ليه احس .. ان الحياة حلوه معاك
وان عمري راح .. مع غيرك هدر ؟!
ليه اشوف الدنيا في عيني هواك
و أنك اجمل شيء في هذا العمر
قبل اشوفك .. قصتي معهم هلاك
كلها .. ” احزان و هموم و كدر ”
بعد شوفك .. ما ابي احدٍ سواك
لو يحطون بيدي .. شمس وقمر
كل هذا الكون .. يا عمري فداك
من يساوي حبك احساس و قدر
الوفا لك .. واكبر همومي رضاك
و النهي لك بـ ” المحبة ” و الأمر
هاك يدي خذني في عالي سماك
دام انا وياك .. جمعنا القدر
من بدابك بالمحبة ما انتهاك
ومن يشوفك عمر ما يبغى العمر
.
.
شعر : فاطمة عبدالله
اكتشاف المزيد من anhaar magazine
اشترك للحصول على أحدث التدوينات المرسلة إلى بريدك الإلكتروني.
