يشتعل الحنين في قلب شاعر ،. فيولد نص قادر على لمس قلوب الكثير من ضحايا الغياب …
الشاعر الأنيق ( جمعان وقيان.) في قصيدة تحرك فينا الحنين في الشعر الحقيقي….
يا عبدالكريم الله يسامحك وش سويت
بعد صوتك اللي عود الجرح باسبابه
نقضت الجروح السابقه حين ما غنيت
وتيقض حنيني وانفتح سوره وبابه
وانا كنت اظنك يالحنين القديم اقفيت
اثر ما اقشر من البعد لا كشر بنابه
على نار جرحي طالبك لا تصب الزيت
بعد فقد قلبي لاول واخر احبابه
مع لا خطاوينا واغانيك لا جريت
يسج الخيال ويوقف الوقت وحسابه
احبه ولو ما كنت احبه .. فلا خليت
قصيدي مع طاريه يشقى ويبلابه
قضيت العمر وياه والبيت يردف بيت
وانا خابر انه للجفا يشعب ركابه
تبي قلت له كافي ؟ لا والله ما صديت
ولا طعت ناسٍ من عنا الوجد منصابه
مضى ما مضى واللي مضى ما ترده ليت
والانسان يبقى رهن ماضيه وكتابه
شعر : جمعان وقيان
