عبدالعزيز العمري ، يحترف رسم الجمال في كلماته، بوح شفاف يفضح الكثير من عذوبة روحه …
يا فتنة الأرض .. وانتي في وصوفك كما :
(صبّ المطر) .. ما سحَر إلّا لأنه غزير
من لا يشوفك جميله .. صاب شوفه عما
ومن لا يشوفك عظيمه .. عاش عيشة ضرير
الحسْن فـ الأرض باقي يالغضي طالما
حضرة جمالك تبختر (من كثير لْـ كثير)
اي والله إني أحبك واحتياجي نما
نما نما لين صرتِ الفاتحه .. والمصير
أنا اللي لا ضاق صدره في يديك ارتمى
من بعد ما فوّض أمره للعليّ القدير
“صغير الأحلام” مسرع طيحته .. إنّما :
“كبير الأحلام” يبقى طول عمره كبير
ستة سنَوات وأحلامي هلكها الظما
تعبت طرد السراب .. أبغى أرتوي بالغدير
يا ما كتبنا الأماني في جبين السماء
ما باقي الّا انتماسك بالقلوب و نطير !
وسلامة قلوبكم ..
شعر : عبدالعزيز العمري
