ويــرحـل .. ( رثاء في البدر ) … / الشاعر : تركي حمدان …

رصد الشعر ربما يكون من أصعب اللحظات … خصوصا في حدث كبير أساسة الإنسان والشعر .
رحيل الأمير بدر بن عبدالمحسن .. تاركا عالما من الشعر والشعراء المتأثرين بتجربته الكبيرة .

الشاعر الجميل ( تركي حمدان ) وأبيات فيها من الحزن ما فيها .. لا تحتاج إلى مقدمة أبدا ً .

ويرحل بدرنا .. ندعي: عسى الجنة له المنزال
وعسى ماياصل لقلبه صدى زفرات عشاقه

مشاعرنا تربت في ذرى حرفه ثلاث اجيال
على عزة نفوس .. ونخوةٍ للطيب منساقة

يذكرنا بأن الشمس يتبعها سراب اللال
ظما والمجد يبغى من صبَر لو يبسن ارياقه

وعلمنا البدر إن المحب اقسى من العذال
على قلبه اذا ضايق حبيبٍ يسكن اعماقه

وكم نهر اتعبته النجمة بحبٍ بدون وصال
وحبٍ دون وصل اقسى من التوديع باشواقه

وعلمنا بأن أصعب شعور اللي عجز ينقال
وفي الاخر نقوله: بسمة أو دمعات حراقة

وطنا بالقلوب أغلى من اقراب وحبيب ومال
وبدر المجد علمنا وطنا كيف نشتاقه

وقال إن الوطن له روح من برقٍ صدَق ورمال
وله قلبٍ يفيض بحبنا رمله وبراقه

انا ما ارثيه شاعر .. شعره ارسخ من سما وجبال
أنا أرثي .. كريمٍ كم عطى من نبض خفاقه

نحبه ماعرفنا وش كثر لين اقبل الترحال
وحسينا عيون ارواحنا تبكي من فراقه

شعر : تركي حمدان