رضى البشر / الشاعر محمد بن راسم

جميل حضور الجميل محمد بن راسم…

يكتب بعذوبة خاصة يمطرنا بابياته المختلفة دائما وباتزان الشعر في قصيدته …

رضى البشر يا هاجسي شي كايد

تطرب على الشبه وتشكي رمدها

عاصرت جيل المختلف والجرايد

وشفت الطيور اللي يجمل هددها

لكن تالي الوقت محد محايد

وبعض الحياد احيانا امر وادها

صارت عيون الناس مثل المصايد

تنقد وتزعل كل محد نقدها

الفعل مامن فعل والهرج زايد

وسيوفهم صدت وهي في غمدها

المدح وصلهم لــ روس النوايد

وبيوتهم هشه ويرقل عمدها

اشفق على من يدعون الفرايد

وقصيدهم من نحرها لي نهدها

الحق والأنصاف .. ” طيب وفايد ”

والمنصفين اليوم كمل جهدها

راحت من الساحه سلوم وعوايد

وجتنا عوايد من تمايل جسدها

من يوم صار الأسم يخدم قصايد

ماتت قصايد واجده في مهدها

الشاعر : محمد بن راسم – الكويت