الليال الباردة / الشاعر : زياد العكشان ..

الغياب إن كان له سبه يموت
كيف لو صار الغياب بدون سبه

للشعر أهله،. زياد العكشان ونص مغاير يطوي مسافات الشعر ويختصر الابداع …

“الليال البارده” سوت و سوت

كنت احطب الخوف فيها ثم اشبه

و المحاني لو تعاني ما تقوت

تنفجع في كل مره ما تنبه

العروق من المواصل ما تروت

و الغصون تواجه الفقد و مهبه

لا تقول : وصالنا حباله تطوت

و انت تدري عن ضماي و عن مصبه

المشاعر كانها بالصد نوت

لا تعلقني على دروب المحبه

انت مثل الفرصه اللي ما تفوت

وقتها قبل الليال المستتبه

بح صوتي كنت أنادي لك و أصوت

وين ؟ يلقى بعدك المجروح طبه

الغياب إن كان له سبه يموت

كيف لو صار الغياب بدون سبه

شعر : زياد العكشان