تقديم : أنهآر
من الشعراء القلائل الذين تركوا أثراً في الساحة , حضوره كان نادرا ً لكنه يكفي الذائقة لتفرح سنوات من الشعر ..
الشاعر الكبير ( فلاح الحجيلان ) ومختارات من أبياته نشرت في جريدة الراي الكويتية وما زالت تعانق الكثير قلوب الشعراء المعاصرين له ..
شارع
تكفون تكفون خلو رحلتي معهم
اهل العفيف اللطيف المترف الفارع
اروح زعلان وعوّد لشارعهم
ماكن ابه غير شارع بيتهم شارع
وحيد
البارحة ما انتَ بمثل كل نوبة
شرعت قلبك للعزيزين ماجوه
الناس لا شافوا وحيد ألعبوبة
وتعذروا بالمقبلات وتوطوه
عراوي
لا جيتهم طيب وغالي ومحبوب
ولارحت مال الطيب عندي عراوي
والله لوني عزيزآ ومرغوب
ما صار وصلي مع جفاي امتساوي
النخل
النفس طابت وهي ما عمرها طابت
يا اهل الكلام الكثير اللي تمثناني
لو تذبحون النخل عمر النخل ثابت
ابتذبحون النخل كله على شاني
الناس
ما شيل قلب اشيل في جوفي قلوب
الكل منهن فيه ضيم وبلاوي
الناس قامت تنقل الهرج مقلوب
يضيع في بعض القرايب هقاوي
هم الصدر
من كبر هم الصدر ما عاد أبه ورْق
ماتت طيور الورْق واشغلت بالي
كلاً يقول أنه على مفترق طرق
اكثر حراي اني ابقعد لحالي
متضايق
البارحه حديت صبري على اقصاه
صديت متضايق وصد امتضايق
من حزني اللي كل ماقلت ابنساه
وقف على جال الضلوع ايتهايق
سيف
كني على بير وتعذرني ارشاي
حدر وانا سيف الضما يحتريني
يا شينها لا مت وانا على ماي
ويا زينها وان كانها في جبيني
اللي يرحبي اليا شافني جاي
ولا رحت هذرا حكي ماهوب فيني
خله يروح ان كان ودة بفرقاي
تمرمطة سود الليال وجيني
تدري
تدري متى تنزل عليك العقوبة
لا شفت درب الستر والغفو مكروه
خوييك اللي ما قبل منك توبة
لا تقلب الدنيا وتشره على اخوه
راي
الراي راي الوقت يا ضيق دنياي
مدري وش اللي باقيٍ من اسنيني
ادناي صار ابعد عليه من اقصاي
واللي ابي عجزت تطوله يديني
