أرشيف الساحة , مساحة تنشر الأثر والإرث الشعري الجميل .
نحاول من خلالها تسليط الضوء على الجمال في قصائد الشعراء
الذين كان لهم دور كبير في تطوير الساحة ومساحة الشعر …
يانهار البشاير … صب لى شمس
باتقهوى وانا والله …حياوى
يكفي اني فداوى عندك امن امس
وانت تشره على ثقل الفداوى
احسب انك قبل لاتمد لي … خمس
تحتضني … وانا امد الرهاوى
لاتعجب … تلمس خاطري لمس
لاتغرك من بعيد …الكساوى
جايز اضحك لو انه خاطري عمس
نوب ضحكني مثل طبعي نحاوى
يمكن انى قريب ومبعد .. الرمس
كل لونٍ لبس جسمي سماوى
جيت اقص الزمان وجرته طمس
قلت ابا انشد … قنب بالرجم عاوي
شعر : مساعد الرشيدي – رحمه الله
