شاعرة تشاركنا جزء من قلبها على شكل هدية من شعر… دلال المقهوي وحضور يشبه المطر في مجلة أنهآر الأدبية.. نقرأ النص بقلوبنا :
اجيك لهفة عاشق وحيل وافي
ولاخاب شوقي رغم خيبة ضنوني
اجرح على كيفك ولا اقول كافي
مثل الشجر اثمر وتقطع غصوني
ياناقص الاحساس مافيك صافي
ماباقي الا اعطيك مني عيوني
ترجف ظلوعي وانت تلبس لحافي
واقول لو بيدي البسك شجوني
صوتك جفا واضح وانا صوت دافي
حتى مواعيد اللقا يسألوني
ليه الصبر .. واقول لجله عوافي
ابلع وجع واقول يالله عوني
اثمل حنين وخافي الفقد خافي
واشهق شعور وازفره في سكوني
مثلي يحبك يالغلا اليوم مافي
لو كان يوجد اوعدك ما اكوني
شعر : دلال المقهوي
