حضور الكبار يعتبر قيمة دائما ،. شاعرنا يوسف الداود ونص يختلف عن كثير مما نشر… نقرا خصوصية شاعر في نص مبطن بجمال الشعر ….
انا ماجتني الفكره على الكانون
ولا الشمعات والشيفون والطاقه
بلاه اليا خذا مجه من الغليون
تطيح من السما مكتوبه اوراقه
يمر الصبح ياعصفورة الطابون
ويبقالك من فتات الخبز فاقه
اذا جنحانك اتعدت على الراؤون
واخذت شوي بين الفجر وشراقه
فلا تبكي على اللي يمنع الماعون
ولا تضحك على الوبال ونياقه
اذا عنه كثير الناس مايدرون
ولا يدرون ويش يصير بعماقه
تقول امي تحب النسمه الطاحون
واقول ان الهبايب دوم فراقه
خذت بلقيس من عشتار كحل عيون
ترى بلقيس رغم الملك سراقه
على فستانها المغري يدور الكون
وانا مالي على فستانها طاقه
يبيلك قلب مستأجر وطرف ونون
ويبيلك حس مثل الما ورقراقه
شعر : يوسف الداود
