انه ينسيني .. ” ملامح ” لياليك
و يشيل من قلبي .. ” هواك و غلاتك

روح الشعر ، شاعرتنا الجميلة ” فاطمة عبدالله” وحضورها الهادئ دائما ، وبوحها الأنيق، تعود لكتابة الشعر بعفويتها الجميلة ، وباحساسها المعهود مع الشعر والحب ….

نص تهديه لمجلتها أنهآر ولقراء أنهآر… اقرؤوه بقلوبكم فقط …

‏” مع السلامه ” ياحبيبي بخليك
مع شخص غيري يسعدك في حياتك
أنا أطلب “الله ” .. كل ليله يهنيك
و انت اطلب الله لا سجدت بصلاتك :
انه ينسيني .. ” ملامح ” لياليك
و يشيل من قلبي .. ” هواك و غلاتك
و انه يزيل جروح قلبي وماضيك
وامشي دروبي .. وابتعد عن جهاتك
وانه يرجع لي فؤادي من ايديك
و انسى بعد غيبة ” سنه ” ذكرياتك
وانه يطفي نار شوقي لحكاويك
و لــ شوفتك و لضحكتك و الحلاتك
ماالله قسم لي ياسبب فرحتي فيك
ما الله كتب لي ” منك ” .. إلا شتاتك

شعر : فاطمة عبدالله

تويترها : @Fatimabdullah