غناتي … / الشاعر سلمى الهاشمي – الإمارات

من الإمارات الحبيبة ،. تهدينا الشاعرة الجميلة ( سلمى الهاشمي ) النور بحضورها لتضيء قلوبنا في نص عاطفي مميز … نقرأ قلب سلمى….

‏

و لا حتّم عليك الشوق وصلي؟
و لا شدّت طرف قلبك مودّة؟
و لا هز الهوى عالي غصونك ؟
و لا فاحت بعطر الحب وردة؟
غناتي ليش . . ما دامك غناتي ..
اذا مدّيت لك كفّي . .تردّه؟
غناتي ليش . . ما تنصف حنينك ؟
و لا تصغي له و عنّي تصدّه؟
غناتي . . ليش . . ما اطوله انتظاري
و صبري كلّما تراخى أشدّه
سقى الله يوم ألقاني في عينك
و اشوف الصدق فيها و استمدّه
و اطرّز به خفيّات القصايد
و باقي الشعر لعيونك اعدّه
سقى الله يوم . . ما يمنعك عنّي
عنادك . . لا طغى ع المزح جدّه
سقى الله يوم عانقت الثريّا . .
و اذا غار القمر . . حبّيت خدّه

شعر : سلمى الهاشمي