ما طلبت من اللقا غير القليل
وماخذيت من الفراق الا القهر
الغياب والليل والسهر والترقب .. حالة عشق أم حالة فراق !؟
صياغة الحالة في جمال شعري مليئ بشاعرية شاعر – عاشق يشكل لنا هذا
النص الأنيق …
الغياب يشابه الليل الطويل
ساعته لـ العاشق تعادل دهر
لا تعاملني مثل عابر سبيل
والعيون تراقبك سر و جهر
انت حبك مثل عشق المستحيل
مايجي في يوم ولا في شهر
الجروح انواع و الجرح الثقيل
جرح يبطي فـ الحنايا ماشهر
ياحبيبي والوصال اكبر دليل
لـ الحنين اللي مواريه السهر
يالشعور العذب يالعشق الاصيل
خافي الاشواق كثر اللي ظهر
ما طلبت من اللقا غير القليل
وماخذيت من الفراق الا القهر
كل شي الا الموادع والرحيل
لا تساهلها وهي كسرة ظهر
شعر : سمو الشيخ ناصر بن حمد آل خليفه
