عش حياتك / الشاعرة : دلال المقهوي – الكويت

الشاعرة والإعلامية الجميلة ( دلال المقهوي ) تزخرف هذا النص بكل كبريائها .
تهدي العيدية الخاصة لمجلة أنهآر بحضور من نور … نقرأ نبض دلال المقهوي :

إجمَع شِتات الحياه وعش حياتك
وإرسم احلامك طيور وطير فيها

واي حاجه ما توافق أمنياتك
لا توقف بالطريق وتحتريها

إرِتفع دام بجناحينك غناتك
وإلمِس النجمات كانك تهتويها

شاعره ي الغيم فيني من صفاتك
أروي الأذواق لو أمطِر عليها

وأنت ي اللي كان بظلوعي غلاتك
مهرِتك عافتك لو إنّك تبيها ،،

كنت أناني ما يهمك غير ذاتك
وتحتوي نفسك ومنت بتحتويها

اعتبرني الحين من حسبت بناتك
وشوف لك سلعه رخيصه وإشتريها

شعر – دلال المقهوي – شاعرة كويتية