تجيني…. / الشاعرة منى العثمان

تكتب بهدوء تعانق الغيم … حروفها مرايا لاحساس شاعرة تعبر عن كثير من القلوب….

الشاعرة منى العثمان وقصيدة من قلب البياض…. :

.

تجيني وأشكر البسمه إلا من جات بشفاهي
وانا قلبي يسولف بك إذا ماشفتك قبالي

كأن الشوق يسمح لك تغير شكل أشباهي
وأدور عذر يأخذني لبابك سابقه ظلالي

تعال وخل هالبسمه حقيقه تمشي اتباهي
حبيبي عمري وروحي ياليتك تدري بحالي

ياليتك تسمع الونه ياليت تحس في آهِ
واذا صوتي ما يوصلك في شعري زاد ترحالي

قصايد ماهي البكمى إذا عن هالهوى ساهي
تجيني تحيي أوراقي وأقصد كل ما جاء لي

أنا ماني مع الدنيا ولا عن دنيتي ناهي
إذا بحياها بحضورك تزين الدنيا تحلى لي

وأحسن اني ملكت الكون ياعزي وياجاهي
ملامه هالبشر حولي وأحبك رغم عذالي

.

.

شعر : منى العثمان